Зад себе ги остави сопругата и двете деца: Млад полицаец загина во страшна сообраќајка во Србија (ВИДЕО)
Полицаецот Младен Гајиќ (44) загина вчера околу 22 часот во страотна сообраќајна несреќа што се случила во населбата Велика Река, на магистралниот пат Лозница – Мали Зворник – Љубовија во Србија.
Имено, несреќата се случила вечерта кога полицискиот службеник, кој не бил на должност, од засега непозната причина изгубил контрола над автомобилот „фолксваген пасат“ и се превртел на покривот.
– Автомобилот во кој бил сам Гајиќ се движел кон Мали Зворник кога прво удрил во нешто во близина на патот, а потоа изгубил контрола над возилото и удрил во гаража покрај патот, а потоа се превртел – објаснува извор запознаен со случајот.
– Екипата на Брзата помош веднаш пристигнала на местото на несреќата, која го пронашла несреќниот маж жив. Тој бил сместен во возило на Брза помош, но од повредите за жал починал на пат кон болница.
Според зборовите на соседите и колегите на жртвата, тој бил примерен човек, а неговата смрт го погодила цел Мали Зворник.
– Во моментот на сообраќајната несреќа Младен не бил на должност, туку бил на одмор. Слушнавме дека пред трагедијата бил со колега. Во моментот на несреќата бил сам во автомобилот – изјави еден од неговите соседи.
Младен Гајиќ работел во сообраќајната полиција во полициската станица Мали Зворник.
– Младен беше примерен полицаец, без дамка во кариерата. Еднаш бил на Косово и Метохија и затоа е одликуван. Зад себе ги остави сопругата и двете деца – ни изјавија шокираните колеги.
