Дрвата за греење во „Македонски шуми“ 2.500 денари, кај продавачите 6.000!
Од ВМРО-ДПМНЕ алармираат дека оваа грејна сезона граѓаните ќе се соочат со голем недостиг на огревно дрво. Податоците ги пласираат врз основа на официјалните податоци од извештајот за работа на Шумското стопанство.
Од македонската опозиција велат дека нè очекува тешка зима бидејќи е намалено производството и набавката на дрва за греење. Од ВМРО ја обвинуваат власта, поточно министерот за земјоделство Љупчо Николовски и премиерот Ковачевски за погрешни политики и за, како што нагласува, неможноста да се обезбедат дрва за греење.
