Васоски поднесе оставка од клупата на Сараево (ВИДЕО)
По серијата лоши резултати, Александар Васоски одлучи да го напушти кормилото на ФК Сараево.
По вечното дерби против Железничар кое заврши без победник, 1-1, Васоски соопшти дека заминува од позицијата прв тренер на Сараево. Васоски поднесе оставка иако Сараево допрва треба да го игра финалето во Купот на БиХ против Вележ по кое неговиот тим може да ја оствари зацртаната цел, излез во Европа.
„Поради серијата слаби резултати, ја преземам одговорноста и си поднесувам оставка од клупата на Сараево. Сметам дека тоа можеби е најдобра шок терапија пред финалето на купот. Им посакувам се најдобро на сите во клубот, им се заблагодарувам на навивачите и му посакувам на тимот да го освои купот“, изјави Васоски.
