Нема помирување помеѓу пушачите и непушачите за законот за пушење

На дваесетина дена до најавениот почеток на примената на законот за заштита од пушење, не запира дебатата помеѓу пушчите и непушачите за неговата потреба и оправданост. И еднитеи другите си остануваат на своето. Нрпушачите ебзрезервно го поддржуваат законот, пушачите пак, се жалат дека државата им ја ограничува личната слобода. Како допонителен аргумент против законот,  граѓаните кои пушат, велат, дека новите правила, нема да им помогнат ниту да ги  откажат цигарите во целост, ниту пак да го намалат пушењето. Велат дека со новиот закон треба да има барем обележан простор кај што ќе биде дозволено да се пуши.

„Еве гледаш има пепељара, луѓето овде си пушат. Тогаш треба и шеќерот да се забрани, многу е штетен нели. Многу работи треба да се забранат, се е штетно ако е до тоа. Луѓе 100 години живеат па пушат. 50 години пушам, и сега да се откажам? Не верувам“– велат пушачите.

Од друга страна ставот на непушачите е поинаков. Тие го оправдуваат законот во целост и велат дека треба да се стави крај на труењето на децата со цигарите особено во затворените простории, кафаните, рестораните и кафичите.

„Ние не пушиме ама сме многу против. Законот е добар. Го подржувам во целост.“– велат непушачите.

Законот не предизвикува подеби само кај граѓаните, туку и кај угостителите. Најголемиот дел од сопствениците на кафеани, ресторани, кафулиња, предвидуваат дека ќе имаат пад на посетеноста. Тие бараат примената на законот да се одвива во фази. Најпрво едукативна кампања по која ќе следи период на адаптација од 12 до 36 месеци, а дури потоа целосна имплементација на строгите правила за пушење.

Од министерството за економија и труд најавија нова средба со угостителите заедно со министерството за здравство на која треба да се донесе одлука што ќе биде прифатлива за сите засегнати страни.

Лекарите пак бараат итна примена на законот. Предупредуваат дека границата за консумирањето тутун е намалена на 12 до 14 години и се повеќе млади деца почнуваат со користење тутун.

Според предложеното во законот, во рестораните и кафулињата ќе биде дозволено пушење само на терасите ако се отворени од 3 страни, а не како досега застаклени или преградени со фолии, а казните за непочитување ќе се движат од две до пет илјади евра. Дополнително ќе биде забрането пушење и пред здравствени установи, училишта, градинки, министерства и други јавни институции.