ЧетГПТ го користат повеќе од 1,2 милијарди луѓе секоја недела

Американската технолошка компанија ОпенАИ денеска објави дека нејзиниот асистент со генеративна вештачка интелигенција, ЧетГПТ, секоја недела го користат повеќе од 1,2 милијарди луѓе.

Бројот на корисници беше откриен на конференцијата Девдеј, нивната годишна конференција за програмери во Сан Франциско, каде што тие исто така изјавија дека имаат 2,5 милиони деловни корисници, клучен сектор за финансирање огромни инвестиции во трката за подобрување на вештачката интелигенција, пренесува Фигаро.

ОпенАИ денеска лансираше и нов модел на вештачка интелигенција од средната класа, претставен како модел што е речиси подеднакво способен како водечкиот модел, со пет пати помали трошоци.

Наречен ГПТ-6.1 Сол, овој нов модел е чекор подолу од ГПТ-6 Астра, кој беше претходниот најмоќен модел на ОпенАИ, лансиран на 3 септември.

ОпенАИ вчера објави дека се откажува од лансирањето на ГПТ-6.1 Астра, нова верзија на својот водечки модел, наведувајќи дека премногу често отстапувал од предвидениот опсег на дејствување, но дека, според тестовите, ГПТ-6.1 Сол се придржува до упатствата подобро од својот претходник.