Цената на струјата ќе ги затвори пречистителните станици, фекалиите ќе одат директно во реките 

Пречистителните станици во Македонија, односно институциите кои раководат со нив, се соочуваат со неможност да ги платат високите сметки за електрична енергија. Тие институции најавуваат дека нема да бидат во можност да ја прочистуваат отпадната вода, изјави Сретен Стојковски, директорот на Државниот инспекторат за животна средина.

Тој вели дека ако порано сметките за електрична енергија им била милион денари, сега тие се и осумкратно зголеми.

Сретен Стојковски

„Пречистителните станици се актуелни деновиве поради виоските сметки за струја кои им доаѓаат. Одговорните лица на пречистителните станици во градовите каде што ги има, најавуваат дека нема да бидат во можност да ја прочистуваат отпадната вода. За тоа разговарав со раководителот во Управата за животна средина и отпадни води за да направат една информација до Владата“, алармираше Стојковски.

Тој предупреди и на тоа дека есенва голем дел од фабрикике наместо гас ќе користат мазут и други нееколошки горива. Енергетската криза ќе предизвика и зголемено загадување на воздухот, велат од Државниот инспекторат.