Украинците објавија вознемирувачко видео од Буча: „Ова е новата Сребреница“ 

Министерството за одбрана на Украина прикажа нови потресни снимки од украинскиот град Буча, над кој си ја вратија контролата после неколку недели руска окупација. Од она што може да се види од снимките, цивили биле убивани покрај патот и нивните тела биле оставени на местото на злосторот. „Ова е Нова Сребреница“, се вели во твитот од украинското министерство за одбрана.

„Нова Сребреница. Украинскиот град Буча неколку недели беше во рацете на русите. Локалните цивили беа егзекутирани, некои со врзани раце позади грб.Телата им се расфрлани по улиците на градот, пишува на официјалниот твитер прфил од Министерството за одбрана на Украина“.

Според дел од западните медиуми, најмалку 20 мртви мажи во цивилна облека биле пронајдени на една улица откако украинските сили ја презедоа контролата врз Буча.