Прва, историска победа за Акоста во Мото ГП

Шпанскиот мотоциклист, Педро Акоста беше најбрз на трката за Големата награда на Австрија во Мото ГП шампионатот, за него ова беше историска, прва победа во ова натпреварување.

22-годишниот возач на КТМ имаше фантастичен настап поправајќи го впечатокот од вчерашниот спринт. Тој зад себе ги остави Хорхе Мартин и Марко Бецеки.

Иако заврши како второпласиран, Мартин со овој резултат изби на лидерската позиција во генералниот пласман.

Трката почна со одличен старт на Мартин кој ја задржа првата позиција по стартот. Во вториот круг Бецеки успеа да го претекне, но возачот на Априлија веднаш ја врати позицијата.

Во меѓувреме Акоста се бореше за втората позиција на Бецеки и успеа да дојде до неа и да го нападне лидерот Мартин.

Младиот Шпанец трпеливо ја чекаше шансата и во деветтиот круг успеа да го претрка Мартин. Го одби противнападот, ја задржа позицијата и во голем стил ја заврши трката на првото место.