Лазаров го објави поширокиот список за мечевите со Чешка 

Селекторот и капитен на машката ракометна репрезентација, Кирил Лазаров објави список од 35 ракометари кои ќе бидат во конкуренција за двомечот со Чешка за пласман на Светското првенство. 

Ни остана уште една пречка за пласман на ракометниот Мундијал кој од 11 до 29 јануари ќе се одигра во Полска и Шведска. Лазаров денеска објави список со 35 ракометари кој потоа ќе биде скратен. Македонија на 13 април во Злин го игра првиот меч, а реваншот е на 17 април во Скопје.