Земјотресот во Венецуела е најлош во 100 години, пристигнува помош од сите страни (ВИДЕО)
Земјотресот со магнитуда од 7,5 степени што ја погоди Венецуела денес е најсилниот во повеќе од 100 години, според историските податоци од Геолошкиот завод на Соединетите Американски Држави (УСГС), а многу земји понудија да ѝ помогнат на јужноамериканската земја.
УСГС регистрирал земјотрес со магнитуда од 7,7 степени во близина на брегот североисточно од Каракас на 29 октомври 1900 година, кој предизвикал „значителна штета“, според агенцијата.
Првичниот потрес со магнитуда од 7,2 степени во Венецуела се случи во средата во 18:04 часот по локално време, околу 200 километри западно од Каракас. По него следеше втор земјотрес со магнитуда од 7,5 степени на 45 километри оддалеченост, по што следеа околу 20 последователни потреси, според УСГС, кој го опиша настанот како „катастрофа за која се очекува да е од значителни размери“.
