Бобан Илиоски со бронза се враќа од Европското првенство во мај тај

Бобан Илиоски загуби во полуфиналето на Европското првенство во мај тај кое се одржува во Анталија, Турција, нашиот борец го освои бронзениот медал.

Брзо откако стана светски шампион во кик-бокс, Илиоски се преферли на европско првенство во друга дисциплина, во мај тај.

Македонскиот борец и таму стигна далеку, до полуфиналето каде денеска беше поразен од Јахија Ибрахимов со 29-28.

Поразот во полуфиналето значи дека Илиоски во Македонија ќе се врати со бронзениот медал.