Бехтел и Енка: 1,3 милијарди евра за 110 километри патишта
Рокот се знае, но не и точниот трошок, а потписи се ставија на државниот договор со конзорциумот „Бектел-Енка“. Проектот за изградба на коридорите 8 и 10-д се очекува да тежи 1,3 милијарди евра, без троѓоците за експропријација на земјиштето каде што ќе минуваат делниците. Периодот на изградба е предвиден до 2027 година. За Владата и овој проект е историски, дури и најголем во патната инфраструктура во државата. Министерот за транспорт и врски Благој Бочварски рече дека исплатата ќе се врши во неколку фази во зависност од изведбата на работите.
Уште 300 милиони евра се очекува да бидат трошоците за експропријација на приватни имоти каде што ќе бидат автопатиштата. Дополнителни 22 милиони евра ќе добие компанијата ИРД за надзор над изведувањето на работите. Динамиката на работите ќе биде 23 километри секоја година, со што за 57 месеци ќе се издвојуваат средства од 5 буџети.
„Со изградбата на овие автопатишта, на крајот ќе се поврзе мрежата на паневропските коридори 8 и 10-д низ Македонија. Финансирањето на овој проект се врши од пари на државниот буџет, а сега годинава од Буџетот за 2023 година се издвоени 244 милиони евра за почеток на работите“, рече Ејуп Рустеми, директор на ЈП. „Државни патишта“.
Работите на терен за изградба на коридорите 8 и 10-г ќе започнат од втората половина на април, кои опфаќаат вкупно 108,8 километри автопат или во Коридор 8: Тетово-Гостивар 17,5 километри, период на реализација 33 месеци; Гостивар-Букојчани – 30,3 km, период на реализација 57 месеци; Требениште-Струга-Ќафасан 21,7 km, период на реализација 49 месеци; Коридорот 10-г сегмент Прилеп-Битола 39,3 км, и 57 месеци за периодот на реализација. Приближно, секој километар автопат ќе чини 14,9 милиони евра.
