Бајден: За завршување на војната во Украина ќе биде потребно решение во вид на преговори
Американскиот претседател Џо Бајден кажа денес дека смета дека за завршување на војната во Украина ќе биде потребно решение во вид на преговори.
На прашањето дали Украина треба да ѝ отстапи дел од територијата на Русија за да прекине војната, Бајден кажа дека неговата политика останува дека Соединетите Американски Држави нема да носат никакви одлуки за Украина без Киев.
Кажа дека „тоа е нивна територија“ и дека нема да им кажува што треба, а што не треба да прават.
„Ми се чини дека во некој момент ќе мора да дојде до договор“, кажа Бајден и истакна дека не знае како таквиот договор би изгледал, но дека САД ќе продолжат да им помагаат на Украинците да се бранат.
