Времето денеска променливо облачно и свежо -УХМР најавува потопли денови

Времето денеска ќе биде променливо облачно. Претпладне ќе има повремени локални врнежи од дожд, а ќе дува и слаб до умерен ветер од северен правец. Минималната температура ќе биде во интервал од 7 до 14, а максималната ќе достигне од 15 до 21 степен.

Во Скопје ќе биде облачно. Во текот на ноќта и во претпладневните часови ќе има повремени врнежи од дожд, со слаб до умерен ветер од променлив правец. Минималната температура ќе се спушти до 11, а максималната ќе достигне до 20 степени.

Како што информира УХМР, во недела и до крајот на следната работна седмица ќе се задржи променливо облачно и потопло време со сончеви периоди. Наместа ќе има услови за краткотраен дожд, а ќе дува слаб до умерен ветер од северен правец.