Снежните врнежи го парализираа Галичник: Се работи на чистење на снегот, патот не се препорачува за користење

Поради врнежите од снег во текот на ноќта, патот кон Галичник во моментов не се препорачува за користење.

Надлежните служби се на терен и активно работат на расчистување на коловозот, со цел нормализирање на сообраќајот и обезбедување безбедни услови за движење.

Од надлежните институции апелираат граѓаните да не се упатуваат кон Галичник сè додека патот целосно не се расчисти и не се создадат услови за безбедно патување.

Дополнителни информации за состојбата на патот ќе бидат соопштени во текот на денот.