Познат бренд на чипс е повлечен од пазарот: По смртта на 14 годишно момче, уште неколку млади завршија во болница

Според порталот за потрошувачи на Сојузната канцеларија за заштита на потрошувачите и безбедност на храната во Германија, во производот „Хот чип предизвик“ се пронајдени многу флуктуирачки, а понекогаш и екстремно високи нивоа на капсаицин, супстанца од лутите пиперки. Нивното консумирање може да доведе до здравствени проблеми како што се иритација на кожата и мукозните мембрани, гадење и повраќање или проблеми со дишењето.

Се повлекуваат производи со рок на употреба до 13 јули 2024 година, 28 јули 2024 година, 8 декември 2024 година, 10 декември 2024 година, 31 декември 2024 година и 5 јануари 2025 година во германските покраини Хесен, Баден-Виртемберг, Баварија, Рајнска област, Северна Рајна-Вестфалија, Долна Саксонија, Бремен, Шлезвиг-Холштајн, Берлин, Саксонија, Саксонија-Анхалт и Тирингија.

Драстичната мерка во Германија беше активирана кога две тинејџерки завршија во болница откако конзумираа чипс за време на предизвик на TikTok. Во САД почина 14-годишник откако го изел истиот чипс.

На TikTok и Instagram многу деца и млади учествуваат на овој „тест на храброст“ во кој јадат чипс „Hot Chip Challenge“, пишува Feniks Magazine.

Чипсот се продава во кутија што личи на ковчег. Кога ќе го јадете, пишуваат некои германски медиуми, мора да носите гумени ракавици за да се заштитите.

Во некои случаи, децата и младите завршиле во болница поради консумирањето на овие чипсови.

Две тинејџерки од баварскиот Гармиш-Партенкирхен јаделе многу зачинет чипс, имале проблеми со дишењето и биле хоспитализирани. Девојките учествуваа во таканаречениот „Хот чип предизвик“, во кој учесниците јадат чипс. Според производителот, ова се најлутите чипсови во светот.

Предизвикот во овој „тест на храброста“ е да јадете исклучително зачинет чипс од тортиља. После не смеете што подолго да пиете ништо за да докажете дека можете да ја издржите лутината. Предизвикот најчесто се снима и потоа видеото се објавува на Интернет.

Сепак, секој што сака да купи екстра пикантен чипс мора да има најмалку 18 години.

Федералниот институт за проценка на ризик (BfR) предупреди за овие тестови на храброст веќе во септември.

– Во некои случаи, потрошувачката веќе доведе до итни медицински повици“, беше објавено претходно во соопштението на BfR.

Овој предизвик неодамна доведе до смрт на 14-годишно момче во САД, по што производителот побара од трговците на мало ширум САД да престанат да го продаваат нивниот производ.