Во тек голема полициска акција во неколку градови во Македонија – паднати директор, полициски началник и други полицајци? 

Неoфицијално од синоќа се спроведува и се уште трае голема полициска акција на подрачјето на Берово, Пехчево и Делчево, се работи за разбивање на организирана криминална група која со години наназад вршела нелегална сеча на шуми, злоупотреба на службена положба, примање и давање поткуп, како и други тешки дела против животната средина, пишува Курир.

Неофицијално, меѓу приведените биле и актуелен директор на ЈП „Македонски шуми“ и актуелен началник во полицијата, како и повеќе полициски службени лица, шумски полицајци, службено лице од подрачна единица на министерство за земјоделие како и сопственици на правни субјекти. Тие се сомничат дека систематски организирале нелегална сеча и транспорт на дрвна маса, која потоа преку коруптивни врски ја пласирале како легално исечена.

GСпоред информациите на Курир, групата функционирала како злосторничко здружение со единствена цел – личен профит на сметка на државата и природните ресурси.