ПОВТОРНО СТРАОТНА ВЕСТ: Грозоморно убиство во Србија, тројца браќа претепале жена! 

Уште едно грозоморно убиство ја потресе српската јавност – тројца браќа, на возраст од 45 до 65 години, со стап до смрт претепале жена која живеела со едниот од нив, јавија српските медиуми.

Браќата Милашин Ѓ. (63), Дејан Ѓ. (65) и Душан Ѓ. (45) од гратчето Ќиќевац, меѓу Крушевац и Параќин, се уапсени поради сомнение дека извршиле тешко убиство во соучесништво, удирајќи со дрвен стап повеќепати по главата и телото на жената К.Ј.(51) од Јагодина. Од повредите кои браќата ѝ ги нанеле, несреќната жена починала во Општата болница во Крушевац.

Жителите на Чиќевац не кријат дека се во шок поради овој настан, а соседите од улицата каде се случи убиството наведуваат дека за злосторството дознале утрово кога полицијата им тропнала на врата.

„Станува збор за тројца браќа, а таа жена повремено живееше со нив. Знам дека доаѓаше и си одеше, а бидејќи живеам во нивна близина, баш вчера ја видов како мие садови во дворот. Таа беше со нив од Велигден, а колку што знам е во некаква врска со Милашин“, изјави за медиумите сосетка на ова семејство.