ЦЕЛОСНО ИЗГОРЕ МАГАЦИН ЗА ИГРАЧКИ: Запалено ѓубре ја предизвикало големата огнена стихија 

Добивме дојава дека гори ѓубре, но кога се приближивме видовме дека всушност гори огромен магацин, изјави денеска командирот на противпожарната бригадана Штип, Коцев.

Вели дека огнената стихија ја гасат со четири противпожарни возила со 15 пожарникари, а на помош ги повикале колегите од Кочани и Свети Николе.

-Гори еден објект, тоа е огромен магацин за играчки. Имаме мали проблеми поради ветерот кој во моментов е со поголема брзина, но веруваме дека успешно ќе го изгаснеме пожарот. Веруваме дека запалено ѓубре е причината за овој голем пожар, односно ветерот оттаму се пренел во објектот кој сега гори, изјави командирот Коцев.