Против Казахстан секогаш победуваме, нека биде така и вечерва 

Фудбалската репрезентација на Македонија вечерва со почеток од 20:45 часот на Националната арена „Тодор Проески“ го пречекува Казахстан во многу важен натпревар за пласман на Светското првенство.

Македонските фудбалери играат одлични квалификации, не само што се бориме за бараж, туку овојпат сме конкурентни и за првата позиција која директно води на Светското првенство.

По одличното реми во Гент против Белгија, вечерва во Скопје го пречекуваме Казахстан, меч кој мора да го добиеме.

Казахстан е селекција против која не сме играле многу, имаме два меѓусебни дуели, двата завршиле позитивно за нас.

Првиот беше во 2021 година како дел од подготовките за нашиот историски настап на Европското првенство. Во тој пријателски меч го победивме Казахстан со 4-0, а головите ги дадоа Алиоски, Тричковски, Милан Ристовски и Чурлинов.