Немаше победник по 90 минути, Аргентина и Шпанија ќе играат продолженија во Њу Џерси

Регуларните 90 минути во Њу Џерси не го дадоа победникот, па Шпанија и Аргентина ќе играат продолженија.

Ниту, Шпанија, ниту Аргентина не ризикуваа, повеќе се мислеше на својот гол отколку да се нападне. Со таква игра не видовме ниту една посериозна прилика. Шпанија упати два удари во рамките од голот, меѓутоа тоа не беа удари кои му создаваа проблеми наМартинез.

Пред крајот на полувремето и Кукуреља упати удар кој заврши покрај голот.

Сликата на теренот не се промени многу ниту во второто полувреме, Аргентина продолжи трпеливо да чека грешка на Шпанците, додека „Фуријата“ имаше инцијатива и најчесто се обидуваше со удари надвор од шеснесесетникот.

Така не видовме погодоци, па сега победникот ќе се решава во продолженијата или пеналите. Шпанија таму ќе има и дополнителна предност затоа што Енцо Фернандез во последните моменти заработи втор жолт картон.