Над 93% од граѓаните во Македонија користат интернет, а 81% купуваат онлајн

Интернетот е дел од секојдневието на огромен дел од населението во Македонија, а граѓаните сè почесто го користат за комуникација, информирање и купување производи и услуги. Најновите податоци на Државниот завод за статистика покажуваат дека во првото тримесечје од 2026 година, интернет користеле 93,7 проценти од лицата на возраст од 15 до 74 години.

Пристапот до интернет е широко распространет и во домаќинствата, објави 4news.mk Според статистичките податоци, 91,2 проценти од домаќинствата во земјава имале интернет-пристап од дома, што укажува на висок степен на дигитална поврзаност.

Интернетот не се користи само повремено, туку кај голем дел од населението е присутен повеќепати во текот на денот. Дури 81,2 проценти од лицата на возраст од 15 до 74 години го користеле неколкупати дневно, што ја потврдува неговата улога во секојдневните комуникации и активности.

Значителен дел од граѓаните ги користат и можностите за онлајн купување. Во последните 12 месеци, 81,2 проценти од лицата нарачале или купиле производи и услуги преку интернет, покажуваат податоците на ДЗС.

станува збор за конкретните активности, комуникацијата е меѓу најзастапените начини на користење на интернетот. Телефонирањето преку интернет и видеоповиците, преку апликации како „Вибер“, „Месинџер“, „Ватсап“ и „Фејстајм“, достигнале учество од 93,5 проценти.

Веднаш зад нив е размената на текстуални пораки преку интернет, со 88,4 проценти, објави 4news.mk Овие резултати покажуваат дека дигиталните платформи се важен дел од комуникациските навики на граѓаните.

Податоците за првите три месеци од годината даваат слика за широката употреба на информациско-комуникациските технологии во земјава. Покрај комуникацијата, интернетот има сè поголема улога и во електронската трговија, со што се менуваат навиките на граѓаните при набавката на производи и услуги.