Митева: Шпанскиот тенор Хозе Карерас со македонските музички великани дел од прославата за одбележување на 35 години независност на Македонија
Благодарам за присуството и за интересот којшто го покажувате за овие настани коишто ги најавивме.
Навистина како Влада се подготвуваме за сериозно одбележување, достоинствено одбележување на 35 независност на Република Македонија. По онаа најава за 8 септември, еве денеска можеме да најавиме навистина уште една интернационална музичка ѕвезда, но уште поважно навистина македонски аллстар којшто е денеска присутен и којшто заедно со Хозе Карерас ќе имаат исклучително одличен концерт.
Ценам дека ваквиот начин на одбележување на независноста на Македонија како Влада покажуваме дека навистина ни е важно, дека навистина сакаме граѓаните да уживаат и достоинствено заедно со музичките великани да покажеме дека Македонија има капацитет и да организира настани за меѓународни ѕвезди, заедно со нашите, јас би кажала најголеми ѕвезди. Мислам дека сите детали околу оваа организација веќе достојно беа презентирани и од организаторот, но и од учесниците.
Доколку имате прашања се разбира стоиме на располагање и на првата прес-конференција веќе најавивме дека етапно ќе ги најавуваме настаните. Јас во оваа прилика можам да кажам очекувајте од нас уште многу нови изненадувања, со навистина вклучување на голем број на македонски уметници.
