Мислел дека нашол обично маче и си го однел дома, а всушност открил нов вид дива мачка по повеќе од 100 години

Во Боливија е откриен нов вид дива мачка, што претставува прво вакво откритие во повеќе од еден век.

Станува збор за видот Leopardus tilcayo, познат како тигреста мачка Тилкајо, кој досега не бил официјално препознаен од науката.

Необичната приказна започнала кога жител на Боливија го пронашол животното додека било мало и, мислејќи дека станува збор за домашно маче, го зел со себе.

Подоцна, кога станало јасно дека не се работи за обична домашна мачка, животното било предадено во локално засолниште за диви животни.

Таму мачката го привлекла вниманието на истражувачите поради својот необичен изглед. По научни и генетски анализи, експертите утврдиле дека станува збор за посебен, дотогаш непрепознаен вид дива мачка.

Откритието е особено значајно бидејќи Leopardus tilcayo е првиот нов жив вид од семејството мачки што е научно опишан по повеќе од 100 години.

Новиот вид е поврзан со облачните шуми во Боливија, а неговото откривање уште еднаш покажува дека во тешко достапните делови на Јужна Америка сè уште постојат животински видови кои не ѝ се познати на науката.