Македонската полиција на готовс – основци и средношколци се заканувале со пластични оружја и на Тик Ток
Тик Ток видеа со закани по живот кон професори и соученици, малолетници на училиште со лажни пиштоли.
Само два дена по масакрот во основото училиште во Врачар, билтенот на МВР вчера регистрира три одвоени инциденти во основни и средни училишта низ Скопје.
13-годишен ученик од основно училиште во Чаир вчера на училиште отишол со пиштол играчка, го вперил кон соучениците, па и го предал на директорката.
Полициски службеници од Карпош привеле 16-годишно момче кое преку фотографија на социјална мрежа упатило закани по живот кон професори.
Во полициската станица во Центар пак вчера биле приведени 4 средношколки кои преку Тик Ток упатиле закани кон соученичка.
Во сите три случаи од МВР посочуваат дека биле повикани и родителите на децата, а известени се и јавни обвинители.
Од Сојузот на средношколи велат дека ваквите инциденти загрижуваат. Токму затоа бараат да се дејствува брзо и ефикасно и на безбедноста и на психичкото здравје на младите. На вчерашниот состанок во МОН доставиле и листа со предлози.
Претседателката на Либерално демократската партија и пратеничка Моника Зајкова пак денеска со низа предлози кои како коалициски партнер ќе ги достави до Владата. Партијата ќе бара да се намали возрасната граница за кривична одговороност и да се забрани апликацијата Тик Ток.
Крвавите настани во Србија го вклучија црвениот аларм и во земјава. По вчерашниот состанок Министерството за образование и наука стартуваше со подготовка на нови протоколи кои треба да ја зголемат безбедноста во училиштата. Како прв чекор ќе се креираат и електронски адреси за пријавување меѓуврсничко насилство.
