За колку поскапуваат горивата од полноќ?

Од полноќ ќе имаме нови цени на бензините и дизелот. Регулаторната комисија за енергетика (РКЕ) ги објави коригираните цени. 

Oна што е важно за возачите е дека малопродажната цена на бензинот ЕУРОСУПЕР БС-95  ќе скокне за 1,00 денар, а на бензинот ЕУРОСУПЕР БС-98 за 1,50 денари по литар. За еден денар поскапува и ЕУРОДИЗЕЛ (Д-Е V), а за 1,50 денари се зголемува цената Екстра лесното масло за домаќинство (ЕЛ-1). Литар ЕУРОСУПЕР БС – 95 од утре ќе се продава за 80 денари за литар, ЕУРОСУПЕР БС – 98 за 82,50, ЕУРОДИЗЕЛ БС (Д-Е V) за 81,50 и Екстра лесното 1 (ЕЛ-1) за 81,00 денари. Поскапува и малопродажната цена на Мазутот М-1 НС за 0,176 денари и еден килограм ќе чини 39,459 денари.

Лани откако почна војната во Украина, цените на горивата варираа. Буквално, имаше периоди кога на дневна основа се менуваа цените. 

foto freepik.com/bemphoto31