ГРЦИЈА ОЧАЈНО БАРА РАБОТНИЦИ: Ќе им даде шанса на мигрантите
Мигрантите ќе добијат тригодишен престој во Грција. Јужниот сосед има потреба од работна сила. Тие ќе добијат дозвола за работа.
Оваа одлука би била еден од начините за решавање на недостигот на работна сила во виталните сектори на економијата, објави Ројтерс. Мигрантите и барателите на азил кои живеат во земјата најмалку три години, немаат криминално досие и им е понудена работа, можат да аплицираат за нова дозвола за престој до декември 2024 година. Грција преку лето има потреба од работници. Според медиумските извештаи, Грција има проблем со наоѓање работници затоа што нивните и кадрите од други земји, заминуваат во Шпанија.
foto EPA-EFE
