Володин „прогласи банкрот“ на Украина: Повеќе не можат без финансиите од Западот
Украина ја загуби финансиската независност и не може да опстане без западните фондови, изјави претседателот на Државната дума на Русија, Вјачеслав Володин.
Тој изјави дека „собраните даноци сочинуваат само 40 отсто од буџетот на државата“, а повеќе од 60 отсто од тоа оди за армијата. Месечниот дефицит на Украина изнесува пет милијарди долари, потсети Володин.
„Украина е банкротирана, без помош на Вашингтон и Брисел, Киев повеќе не може да ги исполнува своите обврски кон своите граѓани. Земјата ја загуби финансиската независност“, заклучи Володин.
Во неодамнешното интервју за „РБК Украина“, украинскиот министер за финансии Серхи Марченко изјави дека буџетот за следната година ќе биде „крајно неизвесен“ поради „воените услови“.
Според Олег Устенко, советник на украинскиот претседател за економски прашања, до крајот на годината се очекува дефицитот на државниот буџет на Украина да достигне 50 милијарди долари. Тоа е околу 30-35 отсто од БДП на земјата, рече тој во телевизиско интервју минатиот месец, додавајќи дека таквата ситуација настанала поради војната.
Киев вели дека му требаат пет милијарди долари месечно помош од западните спонзори. Но, Устенко во јули рече дека ќе им требаат дополнителни 4 милијарди долари месечно во текот на следните три месеци за покривање на трошоците за живеалишта и поправки за милиони луѓе, како и за финансирање на основниот минимален приход за оние кои ги загубија своите работни места. .
