Ален Делон сака да биде евтанизиран, син му го поддржува 

Францускиот актер Ален Делон сака да биде евтанизиран. Оваа информација ја потврди неговиотсин Антони Делон, пренесоа светските медиуми.

Ален го замолил Антони да го организира целиот процес и да биде покрај него додека умира. Не е познато кога ќе се случи ова. Ален во ноември лани наполни 86 години.

-Секако дека ја поддржувам евтаназијата. Живеам во Швајцарија, каде таа е легална. Сметам дека е најлогична и најприродна работа. Секој има право да почине без престој во болница и и примање инјекции, рече во неодамнешно интервју за локална телевизија и додаде дека веќе го напишал тестаментот.

Тој доживеа двоен мозочен удар во 2019 година, а уште закрепнува и наведе дека во моментот се чувствува добро, иако мора да оди со помош на бастун.

-Стареењето е одвратно! Ништо не можете да направите. Лицето се менува и го губите видот. Станеш, и по ѓаволите, те заболува зглобот“, рече Делон пред три години.

Неговата сопруга Натали Делон почина во јануари лани. Боледуваше од рак на панкреасот и се одлучи за евтаназија. Некои медиуми наведуваат дека токму нејзината постапка го навела Ален да се одлучи да го направи истото кога ќе сака да замине од овој свет.