Шведска не поддржува вета и ќе стои зад Македонија во преговорите со ЕУ

Шведска не поддржува вета – процесот на преговори со Европската Унија треба да биде фер, ефикасен и базиран на заслуги, вели шведскиот амбасадор во земјава Ола Сулстром во интервју за емисијата „Европат“ на ТВ 24.

Сулстром порача дека официјален Стокхолм ќе биде поддршка на Скопје во текот на целиот процес на преговори со Европската Унија – до самиот крај. За ќор-сокакот во кој се наоѓаат Македонија и Бугарија, порача дека е потребен продлабочен дијалог.