Струмичанец фатен со 11 мигранти од Индија и Непал 

МВР информира дека рано утринава во 00.50 часот на потегот помеѓу с. Свидовица и с. Куклиш полициски службеници од РЦ за ГР Исток го лишиле од слобода А.Д.(63) од Струмица.

Тој бил затекнат со група од 11 лица мигранти (5 од Индија и 6 од Непал), кои ќе бидат пренесени во Прифатно-транзитен центар Гевгелија.

За случајот бил известен Јавен обвинител, а приведениот, поради постоење основи на сомнение за сторено кривично дело по чл.418-б, бил задржан во полициска станица за понатамошна постапка.

По документирање на случајот против А.Д. ќе биде поднесена соодветна пријава.