Полуфинале за Рустемовски и нов медал за Македонија на МИ

Македонскиот боксер, Ален Рустемовски, победи со нокаут против Ариол Зенели од Албанија во четвртфиналето на Медитеранските игри (МИ) кои се одржуваат во Таранто.

Рустемовски беше одличен, доминираше во борбата и со технички нокаут успеа да дојде до победата.

Со овој триумф, Рустемовски обезбеди полуфинале во кое ќе боксува против Шпанецот Марин Ернандез, утре од 15 часот.

Пласманот во полуфиналето во бокс, значи и најмалку бронзен медал, бидејќи во овој спорт нема борба за трето место.