Одредени се термините на Македонија за Светското првенство

Интернационалната ракометна федерација (ИХФ) денеска ги одреди термините за Светското првенство во машка конкуренција кое во јануари ќе се одржи во Германија.

Македонија е во групата Х заедно со селекциите на Исланд, Бахреин и Јапонија. Натпреварите ги играме во Магдебург, во „ГЕТЕК Арена“.

Македонските ракометари првиот меч ќе го одиграат на 15 јануари против Јапонија од 18 часот.

Два дена подоцна е дуелот со Бахреин кој ќе се игра исто така од 18 часот.

Последниот меч од оваа фаза го играме против Исланд на 19. јануари, тој дуел е со термин од 20:30 часот.

Првите три селекции од групата одат во главната рунда.