Ждрепка: Новак Ѓоковиќ го дозна патот на УС Опен

Денеска во Њујорк беше извршена ждрепката за последниот грен слем турнир оваа сезона, УС Опен кој ќе се игра во престојните две недели.

Најдобриот тенисер на сите времиња, Новак Ѓоковиќ е четврти носител на турнирот, патот до финалето му носи неколку сериозни имиња.

Шансите за јубилеен 25. грен слем трофеј се зголемуваат со фактот дека Јаник Синер не учествува на турнирот, но се враќа Карлос Алкараз.

Ѓоковиќ почнува против Маријано Навоне, а ако ја мине првата пречка, во второто коло може да го очекува исклучително интересен дуел со Стан Вавринка или Матео Беретини. Вавринка е поранешен шампион на УС Опен, а во 2016 година токму против Ѓоковиќ ја освои титулата во Њујорк. Во третото коло како можни противници се појавуваат Томас Мартин Ечевери и Мартин Ландалусе, додека во осминафиналето Ѓоковиќ би можел да се сретне со Андреј Рубљов или Брендон Накашима.

Четвртфиналето, според проекциите на ждребот, би можело да му донесе уште потежок противник – Данил Медведев или Френсис Тијафо. Најголемото внимание, сепак, го привлекува можноста за полуфинале со Карлос Алкараз. Шпанецот е втор носител и се наоѓа во истата половина од костурот со Ѓоковиќ, па нивниот дуел е можен доколку двајцата стигнат до завршницата. Од другата страна, како највисоко поставен носител се наоѓа Александар Зверев, па тој би можел да биде противник на Ѓоковиќ во големото финале.