Дончиќ со нова фантастична партија го предводеше Лејкерс до победа

Лос Анџелес Лејкерс ја продолжува одличната форма, овојпат со 124-118 го совладаа тимот на Портланд, а во фокусот повторно беше Лука Дончиќ.

Победникот беше решен во третата четвртина која Лејкерс ја добија со безмалку 20 поени разлика, беше 34-15.

Најинтересниот момент од мечот се случи пред полувремето, на истекот од вториот период Дончиќ од огромна далечина, три четвртини од теренот, постигна фантастичен кош.

Словенецот имаше уште една луда партија постигнувајќи 53 поени, втор најдобар поентер кај Лејкерс беше Ривс со 25. Кај Портланд најдобар беше Авдија со 22 поени, 11 асистенции и девет скокови, ист број на поени имаше и Лилард.

Резултати:

Атланта – Вашингтон 139-132
Шарлот – Бостон 80-119
Кливленд – Филаделфија 119-95
Далас – Јута 112-100
Мемфис – Оклахома 97-128
Милвоки – Торонто 107-121
Њу Орлеанс – Минесота 109-115
ЛА Лејкерс – Портланд 124-118
Сакраменто – Сан Антонио 109-124