Важна вест за пензионерите: Еве за колку ќе пораснат пензиите од септември!
Од први септември стапува на сила нов модел за прилагодување на пензиите, со кој нивното зголемување повеќе нема да се врши линеарно, туку процентно, во согласност со движењето на трошоците за живот и растот на платите. Според утврдената методологија, ваквото усогласување ќе се реализира двапати годишно, односно во септември и во март.
Со примена на овој модел, сите пензионери нема да добијат ист фиксен паричен износ, што значи дека граѓаните со повисоки пензиски примања ќе забележат поголемо апсолутно покачување на своите сметки.
Иако точниот процент на зголемувањето сè уште не е дефинитивно утврден, првичните проценки на Министерството за социјална политика, демографија и млади укажуваат дека пензиите би можеле да пораснат за три до три и пол проценти.
Конечните бројки и прецизната калкулација треба да бидат познати до крајот на овој месец, додека септемвриската пензија, пресметана според новото процентно усогласување, на корисниците ќе им биде исплатена на почетокот на октомври.
