Ракометарите и ракометарките на Македонија ги добија противниците за Медитеранските игри
Машката и женската ракометна репрезентација денеска ги дознаа противниците за Медитеранските игри кои од 25 јуни до 5 јули ќе се одржат во Оран, Алжир.
Ракометарите ќе играат во групата Б заедно со домаќинот Алжир, Шпанија, Турција и Грција. Првите две екипи ќе се пласираат во полуфиналето.
Во женскиот дел од турнирот учествуваат осум селекции. Македонија е во групата Б заедно со Србија, Португалија и Турција.
