Променливо облачно, попладне нестабилно со краткотрајни врнежи 

Во саботата на територијата на Македонија ќе преовладува променливо облачно време со сончеви периоди. Ќе дува умерен до засилен северен ветер. Попладне ќе има локална појава на нестабилност со краткотраен пороен дожд и ретки грмежи.

Утринските температури се движат меѓу 5 и 13, додека највисоките во текот на денот соодветно ќе бидат во интервалот од 13 до 26 Целзиусови степени.

Во Скопје и околината денеска, исто така, ќе биде променливо облачно со сончеви периоди. Ќе дува умерен, во делови од котлината повремено засилен северен ветер, со дневен температура до 24 степени.