Локомотива го потврди трансферот на Трајковски
Фудбалскиот клуб Локомотива од Загреб потврди дека потпиша со македонскиот репрезентативец Александар Трајковски.
Хрватските медиуми претходно пишуваа за овој трансфер, а и самиот Трајковски потврди дека се договорил со Локомотива. Она што недостасуваше беше потврда од клубот, таа се случи сега.
„НК Локомотива го потврдува доаѓањето на искусниот македонски репрезентативец Александар Трајковски кој им се приклучува на Локосите како слободен играч“, стои во соопштението на хрватскиот клуб.
