Иранец јавно егзекутиран – прогласен е за виновен откако беше обвинет за силување 200 жени

Иранец, осуден за силување на низа жени во последните две децении, е јавно егзекутиран, објавија иранските државни медиуми.

Објавено е дека Мохамад Али Саламат е обесен откако Врховниот суд на Иран ја потврди смртната казна претходно во октомври. Егзекуцијата беше извршена вчера во зори на гробиштата Хамедан на западот од земјата. Вкупно, околу 200 жени го обвинија Саламат, 43-годишникот кој водел аптека и теретана во Хамедан, за силување.

Иранските медиуми пишуваат дека во многу случаи Саламат ги силувал своите жртви откако ќе им предложил брак или излегувајќи со нив. На некои, наводно, им давал апчиња за абортус, кои се нелегални во Иран. Тој беше уапсен во јануари.

По апсењето, стотици луѓе се собраа во градското Министерство за правда, барајќи смртна казна за Саламат. Во последниве години, се повеќе и повеќе егзекуции се извршуваат во Иран, што предизвика гнев кај групите за човекови права.

Силувањето и прељубата се злосторства казниви со смрт во Иран. Во 2005 година, Иран јавно обеси 24-годишен маж кој силувал и уби 20 деца. Во 1997 година, властите обесија 28-годишен маж за киднапирање, силување и убиство на девет девојки и жени во Техеран.