ДО 38 СТЕПЕНИ, А ПОТОА ПРОМЕНА Попладне доаѓаат дожд, грмежи и силен ветер

Температурите ќе се искачат високо, а локалната нестабилност ќе донесе нагла промена на времето во делови од земјата.

Денеска времето ќе биде сончево и топло, со мала до умерена локална облачност. Температурите ќе се движат од 18 до 38 степени. Во попладневните часови на места се очекува нестабилност со пороен дожд, грмежи и засилен ветер.

Во Скопје ќе преовладува сончево и топло време со мала до умерена облачност. Попладне во делови од котлината постои можност за пороен дожд и грмежи. Ќе дува слаб до умерен ветер од променлив правец.