Воздухот во Скопје вечерва е екстремно загаден

Воздухот во Скопје вечерва е повторно опасно загаден.

Густата магла што ја покри скопската котлина драматично го зголеми нивото на загаденост, а според податоците на IQ Air квалитетот на воздухот е во црвената графа со назнака „нездрав“.

Според податоците, нивото на ПМ2,5 честички е највисоко во Центар и изнесува 184 микрограми на метар кубен.

Поради маглата и смогот вечерва на скопскиот аеродром беа откажани неколку летови.