Koи пет кандидати се во трка за државен јавен обвинител?

Пет кандидати досега се пријавиле за нов државен јавен обвинител. Огласот, распишан од Собранието, се затвора на полноќ. Листата ја сочинуваат актуелната в.д. обвинителка Анита Тополова-Исајловска, обвинителката Ленче Ристовска, судијата Ненад Савевски, поранешниот претседател на Кривичниот суд Владимир Панчевски и обвинителката Лидија Раичевиќ.

Судијата Савевски и обвинителката Раичевиќ за МИА ја потврдиле кандидатурата. Потврден одговор за медиумите дале и Ристовска и Тополова Исајловска. Панчевски ја доставил пријавата на 21 јануари, со наведени докази дека ги исполнува општите и посебните услови според Законот за јавното обвинителство.

Огласот беше распишан на 12 јануари со рок од 15 дена по објавата во „Службен весник“. Услов за пријавување е непрекинат стаж од најмалку 10 години како јавен обвинител или судија од кривичното право.

По неотповикливата оставка на Љупчо Коцевски во декември, функцијата в.д. ја презеде Тополова-Исајловска како единствен кандидат.