Почна… Естонија на нозе: Руски хеликоптер навлегол во нивниот воздушен простор 

Естонското Министерство за одбрана соопшти дека руски хеликоптер „ми-8“ минатата сабота на две минути влегол во областа на регионот Коидула, пренесува „Бизнис инсајдер“.

Практично тоа значи дека рускиот хеликоптер се нашол на територијата на НАТО.

Кусти Салм, висок претставник на Министерството, рече дека Русија симулира ракетни напади врз Естонија и додаде дека заканата за земјата е на највисоко ниво во историјата, објави „Скај њуз“.

Упадот на хеликоптерот во естонскиот воздушен простор се случил само десет дена пред големиот самит на НАТО во Мадрид, кој е закажан за 29 јуни.

Земјите членки на НАТО ќе разговараат за тоа како да ја зајакнат алијансата во светло на руската агресија против Украина.

Во меѓувреме, растат и тензиите на релација Москва – Литванија.

Портпаролката на руското МНР, Марија Захарова, денеска изјави дека одговорот на Москва на литванската забрана за транзит на стока до ексклавата Калининград ќе биде не само дипломатски туку и практичен.

„Едно од главните прашања беше дали одговорот ќе биде чисто дипломатски. Одговорот е не“, рече Марија Захарова на неделниот брифинг. „Одговорот нема да биде дипломатски, туку практичен“, додаде таа.