Денеска ќе биде облачно, повремено ќе се појавува сонце

Времето денеска ќе биде променливо облачно со сончеви периоди, најавуваат од Управата за хидрометеоролошки работи. Во југоисточните делови од земјата ќе има услови за појава на слаб дожд, а ќе дува слаб до умерен ветер од североисточен правец.

Утринските температури ќе се движат од 1 до 11 степени, а дневните од 18 до 26 степени.

Во Скопје ќе биде променливо облачно со сончеви периоди и слаб до умерен ветер од променлив правец.