БГНЕС објави на кој начин Петков може да го тргне ветото за Македонија
Бугарската новинска агенција БГНЕС пренесува дека бугарскиот премиер Кирил Петков ќе го изолира МНР за да го подигне ветото за Македонија.
Бугарскиот премиер Кирил Петков има намера целосно да го изолира Министерството за надворешни работи (МНР) во обидите да го укине ветото за почеток на преговорите за членство на РС Македонија во ЕУ. Ова е јасно од нацрт-предлогот, кој самиот Петков ќе го поднесе на првата можна седница на владата, објави БГНЕС.
За да ја постигне својата цел, се вели во текстот, Петков подготвил предлог кој мора да го одобри Владата.
„За да се подобрат одговорноста и координацијата со Националното собрание во врска со проширувањето на ЕУ и процесот на стабилизација и асоцијација на РСМ и Република Албанија и позициите на Република Бугарија, врз основа на член 105 став 4 од Уставот, Министерскиот совет реши: Секоја одлука на француското претседателство со ЕУ, земја членка или Европската комисија во врска со одобрувањето на почетокот на преговорите за членство во ЕУ на PCM и Албанија, донесена во подготовка или одржување на состаноци на Комитетот на постојани претставници (КОРЕПЕР) или до Советот за општи работи, кој отстапува од Рамковниот став на Советот на министри од 2019 година веднаш да биде испратен до Комисијата за надворешна политика на Националното собрание“, се вели во текстот што треба да биде одобрен од владата.
Во проектот, поднесен од самиот Кирил Петков, вицепремиерот Асен Василев и генералниот секретар на Советот на министри Красимир Бојанов, експлицитно се нагласува дека позициите на Република Бугарија, како и одлуките за следење, треба да бидат испратени само до Комитетот за надворешна политика. Турбуленции има на политичката сцена во Бугарија.
Лидерот на Има таков народ, Слави Трифонов објави дека ќе ги тужи оние кои го нарекоа дека е мафија. Тој рече дека поради темата Македонија ја напушта владината коалиција, но други политичари се сомневаат во тоа.
