Официјално: Пеп Гвадиола по една деценија си оди од Манчестер Сити

Најавите се исполнија, Пеп Гвардиола стави крај на една од најуспешните ери во историјата на Манчестер Сити.

Клубот официјално потврди дека шпанскиот стратег заминува по десет години на клупата. Покрај разделбата од тренерската функција, Сити соопшти дека Гвардиола ќе остане дел од клубот како глобален амбасадор.

Трофејниот тренер пристигна на „Етихад“ во 2016 година и во тој период освои дури 20 трофеи, со што стана најуспешниот менаџер во историјата на „граѓаните“.

Според најавите од Англија, негов наследник ќе биде Енцо Мареска, поранешен асистент на Гвардиола кој одлично го познава системот на клубот.