Четири медали за македонските текводисти на Астерикс Куп Е3 турнирот во Србија

На меѓународниот турнир во олимписко теквондо „Астерик Куп Е3“ турнирот во Ниш, Србија, со учество на над 1400 натпреварувачи од целиот свет, македонските претставници остварија одлични резултати и освоија по еден златен и сребрен медал, и два бронзени медали.

Во продолжение сите резултати на нашите натпреварувачи:

Теодор Стојановски од ТКД Бутел) – Јуниор -63 кг
Златен медал и освоени 30 поени за Европски рангинг.
• Прво коло – слободен
• Второ коло – победа 2:0 над Рони Гашински (Израел)
• Полуфинале – победа 2:0 над Марко Смиљаниќ (Србија)
• Финале – победа 2:0 над Душан Ковиќ (Србија)

Душица Бреалиева (ТКД Штип) – Јуниор -55 кг
Сребрен медал
• Прво коло – слободна
• Второ коло – победа 2:0 над Неда Крстиќ (Србија)
• Трето коло – победа 2:0 над Мајновиќ Мајке (Хрватска)
• Финале – пораз 1:2 од Цвети Славова (Бугарија)

Ведрана Тунески (ТКД Бутел) – Кадет -51 кг
Бронзен медал
• Прво коло – победа 2:0 над Симона Маринова (Бугарија)
• Второ коло – победа 2:1 над Ема Бикиќ (Хрватска)
• Полуфинале – пораз 0:2 од Викторија Кулишева (Бугарија)

Филип Симоновски (ТК Младост) – Кадет -57 кг
Бронзен медал
• Прво коло – победа 2:0 над Патрик Лончар (Хрватска)
• Полуфинале – пораз 0:2 од Јаков Ѓорѓевиќ (Србија)