НА АРМ И ТРЕБААТ ВОЈНИЦИ: Се вработуваат 300 професионални војници

Министерството за одбрана објави нов јавен оглас за прием на 300 професионални војници во редовите на Армијата, со што се отвора нова можност за младите граѓани да започнат кариера во одбранбениот сектор.

Како што информираат од Министерството, кандидатите треба да ги исполнуваат општите услови – да се државјани на Македонија, да се полнолетни и да поседуваат здравствена и физичка способност за извршување на службата.

Дополнително, како посебни услови се наведуваат завршено средно образование и возраст до 25 години на денот на завршување на огласот.

Јавниот оглас ќе трае 15 дена од денот на објавување, а сите детали за постапката и критериумите се достапни на официјалната веб-страница на Министерството за одбрана.

Од институцијата ги повикуваат сите заинтересирани млади да ја искористат можноста и да станат дел од Армијата, нагласувајќи дека професионалната воена служба нуди стабилна кариера, континуирана обука, развој на вештини и можност за личен напредок.

Деталите за огласот се достапни на: https://mod.gov.mk/mk-MK/oglasikonkursi/javni-oglasi