Тесла прецизно предвидел како ќе изгледа светот во 2035 годинa

Никола Тесла, еден од најголемите умови на 20 век, не бил само пронаоѓач, туку и визионер. Во првите децении од минатиот век, на предавања и интервјуа, Тесла предвидел бројни работи што го обликуваат нашето секојдневие денес.

Тесла уште тогаш зборувал за паметни уреди за масовна комуникација, за безжичен пренос на енергија и за иновации кои ќе го променат светот. Неговите идеи од тоа време сè уште воодушевуваат со својата предвидливост.

Ги предвидел мобилните телефони

Уште во 1926 година, Тесла зборувал за можноста луѓето да комуницираат преку мали уреди способни да пренесуваат слики и звук на големи растојанија.

„Преку телевизијата и телефонијата, ќе се гледаме и слушаме совршено како да сме лице в лице, и покрај растојанието од илјадници километри. Човек ќе може да го носи тоа во џебот од елекот“, рече Тесла во тоа време.

Во време кога комуникациите беа ограничени на телеграфски и телефонски линии, оваа изјава беше изненадувачки футуристичка.

Пред 90 години зборувал за животната средина

Тесла ја предвидел потребата од институционализирана заштита на животната средина во 1935 година. Тој зборувал за загадувањето како за предизвик што би бил незамислив за идните генерации:

„Загадувањето на нашите плажи што постои денес околу Њујорк ќе им изгледа незамисливо на нашите деца и внуци, исто како што животот без вода за пиење ни изгледа незамислив нам.“

Неговите предвидувања се остварија во 1970 година, кога беше основана Агенцијата за заштита на животната средина.

Знаење пред воени победи

Тесла верувал дека идните генерации ќе го ценат знаењето и научниот напредок повеќе од воените победи.

„Поголема слава ќе има ако се бориме против незнаењето отколку да умреме на бојното поле. Откривањето на нови научни вистини ќе биде поважно од препирањата на дипломатите“, изјави тој во 1935 година, промовирајќи визија за свет во кој образованието и истражувањето стануваат приоритети.

Подем на женскиот интелект и новото општество

Едно од неговите најинтригантни предвидувања се однесуваше на општествената улога на жените.

Уште во 1926 година, Тесла тврдел дека жените ќе добијат супериорност во образованието и научните достигнувања:

„Ова борба на човечкиот женски пол за еднаквост на половите ќе заврши со нов родов поредок, со жената како супериорна.“

Неговите зборови беа далеку пред своето време и ги предвидоа промените што почнаа да се случуваат децении подоцна.

Автоматизација и роботи

Тесла беше меѓу првите мислители кои сериозно ја разгледувале можноста за роботи и автоматизација.

„Решението за нашите проблеми не лежи во уништувањето, туку во совладувањето на машината… Безброј активности што сè уште ги извршуваат човечки раце ќе ги извршуваат автомати… Во дваесет и првиот век, роботот ќе го заземе местото на робовската работна сила“, предвиде тој во 1935 година.

Денес, со развојот на вештачката интелигенција и роботиката, тие зборови звучат пророчки.

Летачки машини и глобално разбирање

Тесла, исто така, предвидувал развој на летачки машини кои нема да користат гориво, што би можело да доведе до поголемо меѓународно разбирање и соработка.

„Ќе биде политички ефикасно преку хармонизирање на меѓународните интереси, ќе создаде разбирање наместо разлики“, изјави тој во 1926 година, алудирајќи дека техничкиот напредок би можел да помогне во градењето мир.

Безжичен пренос на информации – дигитален свет

Додека вестите во негово време доаѓале исклучиво преку печатот, Тесла замислувал свет во кој информациите се пренесуваат безжично, директно до нашите домови.

„Ќе можеме да присуствуваме и да ги слушнеме настаните – инаугурацијата на претседателот, разурнувањата од земјотрес или теророт на битката, исто како да сме присутни“, изјави тој уште во 1926 година.

Безжичен пренос на енергија

Друг аспект од неговото предвидување беше концептот на безжичен пренос на енергија. Тесла изјавил:

„Кога безжичниот пренос на енергија ќе стане комерцијален, транспортот и преносот ќе претрпат револуција. Филмовите веќе се пренесуваат безжично на кратки растојанија. Подоцна, растојанието ќе биде неограничено.“

Оваа визија продолжува да инспирира истражувања во безжичното полнење и дистрибуцијата на енергија денес.

Читање мисли: границата помеѓу науката и филозофијата

Во 1933 година, Тесла изнесе теорија според која сликите од човечкиот ум можат да се рефлектираат и анализираат:

„Предметите што човекот ги замислува би биле јасно одразени на екранот додека се формираат, и на тој начин секоја мисла на поединецот би можела да се прочита. Нашите умови тогаш би биле навистина како отворени книги.“

Иако оваа идеја сé уште спаѓа во доменот на футуризмот, современата невротехнологија веќе истражува слични можности.

Никола Тесла не беше само иноватор, туку и вистински визионер чии погледи за иднината ги обликуваа темелите на денешниот свет. Неговите зборови продолжуваат да инспирираат научници, инженери и мислители ширум светот, покажувајќи како еден гениј може да гледа далеку пред своето време.